Жабайы иттер мен мысықтардан абай болу керек деп қоғамдық денсаулық сақтау басқармасының мамандары дабыл қағуда! Өткен 2017 жылы 930-дан астам қала тұрғынын ит қапқан. Жапа шеккен азаматтардың тек 54 пайызы ғана ем-домдарын соңына дейін алыпты. Сала мамандары құтырған ит пен мысықтан келетін қауіп жоғары дейді. Егер адам бұралқы итке қабылып, медициналық көмекке жүгінбей, тиісті екпе қабылдамаса онда 30 күннің ішінде ажал тырнағына ілінетін көрінеді. Медицина әлі күнге дейін раби дертіне шипаны ойлап таппаған. Адам өміріне қауіп төндіретін бұралқы ит пен мысықтың көзін жою үшін 23 млн теңгеден астам қаражат бөлініп, 5600-ден астам ит пен 370-ге жуық мысықтың көзі жойылыпты.
