0:00 / 0:00

Аталмыш шараға ҚР білім және ғылым вицеминистірі Есенғазы Иманғалиев және БҚО әкімінің орынбасары Бақтияр Макен қатысты. Ағымдағы жылдың 13-18 наурыз аралағында Орал қаласында жалпы білім беретін пәндер бойынша республикалық олимпиядының жаратылыстану-математикалық бағыттағы кезеңі өз мәресіне жетті. 800-ден астам еліміздің түкпір-түкпіріндегі мектептерінен келген оқушылар өз білімдерін саралап, нағыз оқығандар өз деңгейлерін дәлелдеген болатын. Олимпияда шаһарымыздағы дарынды балаларға арналған С. Сейфуллин атындағы облыстық қазақ-мектеп интернат кешені мен М. Өтемісұлы атындағы БҚМУ-нің ғимараттарында өткен болатын. Қаламызға келген қонақтар барлық күндер бойына түрлі мәдени шараларға қатысып, Жайық өңіріндегі өнер-кәсіптермен танысқандарын айтып ,бізбен ойларымен бөлісті. Республикамыздың ғалымдары мен ұстаздарынан құралған қазылар алқасының шығарған қорытындысы бойынша 1- орынды 48 оқушы иеленсе, 2 -орын 92 болашық ғалымдар қол жеткізді. Олар ҚР білім және ғылым министірлігінің дипломдармен және арнайы бағалы сыйлықтармен марапатталды. Айта кетейік республикалық олимпиданың қоғамдық-гуманитарлық бағытын ағымдағы жылдың 24-29 наурыз аралығында өткізуге мүмкіндік туды. Ал ол додада біздің өлкеміздің атын қорғауға 32 оқушы аттанатын болады.