0:00 / 0:00
Оралда динозаврдың жаңа түрі табылды. Бұл, 2016 жылы Зеленов ауданына қарасты бұрынғы Щучкин ауылының маңында табылған ихтиозавр. Жануар судың астында 100 млн жыл бұрын өмір сүріпті. Зерттеулерге сәйкес ихтиозаврдың көздері өте үлкен болған. Көзінің диаметрі 20 смге дейін жетіпті. Сонымен қатар омыртқасында 150-ге жуық сүйегі болған.
Ақжайық өлкесінде табылған ихтиозвардың Қазақстанда тіпті әлемде ешбір аналогы жоқ. Оның қандай динозаврдың түріне жататыны әзірге белгісіз. Көне жәдігерді зерттейтін Қазақстандық мамандар да тапшы. Қазіргі таңда Оралдық жәдігерді Ресейлік мамандар зерттеп жатыр.
Бүгінгі таңда, Оралдық ихтиозавр сүйегінің жартысы ғана табылыпты. Жас геологтар биылғы жылы Ресейлік мамандармен біріге отырып, қазба жұмыстарын жалғастырмақ.
