0:00 / 0:00
Сондықтан мектеп құрылысы осы жылдың соңында бітуі мүмкін.Өңірде мемлекет басшысының тапсырмасына орай үш ауысымды оқытуды және апатты жағдайдағы мектептерді жою бойынша бірқатар жұмыстар атқарылуда. Жыл соңына дейін тағы 3 мектептің құрылысын аяқтап, барлығы 1085 оқушы жаңа білім ошағының табалдырығын аттайды деп күтілуде. Солардың бірі-Оралдағы №18 ЖББОМ. Мұнда қазір құрылыс қарқынды. Бор тау ауылындағы мектеп құрылысы маусым айында басталған. Мердігер мекеме нысанның іргетасын мерзімінен бұрын бастапты. Бүгінде құрылысқа Құс фабрикасы саяжайы мен жергілікті тұрғындары тартылған. Барлығы 70-тен аса адам жұмыспен қамтылған. Вице-премьер Ералы Тоқжанов Президент тапсырмасына орай облыста 4-5 қабатты мектептерді салу қажеттігін алға қойды. Құрылысшылар білім беру ошағының құрылысы уақытынан бұрын аяқталатынын айтты. «Ұрпағы білімді халықтың болашағы бұлыңғыр болмайды» дегендей, жас ұрпаққа мәнді-мағыналы тәлім беру бүгінгі күннің басты талабы. Оқу процесіннен бөлек, мектеп оқушыларының бос уақытын ұтымды пайдалануға бас мән берілуде. Пандемияға байланысты облыс орталығындағы бос тұрған мейрамханаларда жұмыс өзгеше бағытта жанданды. Мәселен, Зашаған кентіндегі 2000-нан аса оқушының басын қосып, тәлім-тәрбие беріп отырған «Шабыт» орталығына келушілер қатары күн санап артып келеді. Ғимараттың іші жарық. Заманауи талаптарға сай жабдықталған білім беру орталығы өткен жылы жұмысын бастады.
Айта кеткен жөн, Оралдағы мектептен тыс жұмыс орталығында 6250 оқушы бос уақытын ұтымды пайдаланып шығармашылыққа ден қойып жүр. Олардың жетістіктері де жоқ емес. Үйірме мүшелерінің қолынан шыққан туындыларымен олардың жұмысына қанық болған ҚР Премьер-Министрінің орынбасары Ералы Тоғжанов орталықтың жұмысына сәттілік тіледі.
