0:00 / 0:00

Бұл-Жұбан Молдағалиев атындағы тынымбақ. Мұнда субұрқақтар жұмыс жасап тұр. Бақ ішіндегі орындыққа жайғасқан жан әр тамшысы моншақтай шашылып сылдырлаған субұрқақтың дыбысын тыңдай отырып, бір сергіп, демалып қалады. Ал темір жол вокзалы ауданында бұлай сейіл құрып, жан сергітуге мүмкіндік жоқ. Мұнда субұрқақты күрделі жөндеу жұмыстары жүріп жатыр. Жақында жөндеу аяқталуы тиіс.

Оралдың арық жүйесі өткен ғасырдың елуінші жылдарында іске қосылған. Оның үлкен және кіші айналма жолы бар. Үлкен арық жүйесі 5 шақырымды құрайды. 20 ғасырдың бел ортасында пайда болған арық жүйесінің кейбір бөлігін жөндеу керек. Нұрғали Қастуғанов есімді азамат өткен жылы арық жүйесі бастау алатын саябаққа тынығу үшін келгенін айтады.

Қазіргі таңда арық жүйесін Жайық өзенінің суымен толтырған.

Қаламыздың көптеген шағын ауданындарында әлі күнге дейін арық жүйесі жасалмаған. Жауын-шашында, қар суы еріген кезде осы арықтың жоқтығынан тұрғындар зардап шегіп отыр.