Орал қаласының ескі әуежай ауданында тұратын халық үшін жол мәселесі жылдар бойы шешімін таппай келеді. Жаңбыр жауса - батпақ, күн ашылса - шаң. Мұндай жағдай тұрғындардың күнделікті өмірін қиындатып қана қоймай, денсаулығына да зиян келтіруде. Халықтың айтуынша, жауапты мекемелерге талай рет шағымданғанымен, нәтиже жоқ. Ал асфальтсыз қалған көшелер қашан жөнделеді?