"Рухани жаңғыру", «Нәтижелі жұмыспен қамту және жаппай кәсіпкерлікті дамыту 2017-2021 ж.» бағдарламаларын жүзеге асыру, еңбек мамандықтарын насихаттау жобасын орындау аясында, «Жайық таңы» қоғамдық бірлестігі Орал қалалық ішкі саясат бөлімінің қолдауымен 2017 жылдың 16-19 қазан аралығында қаламыздағы колледж студенттері және мектеп оқушыларының қатысуымен Орал қаласының ірі кәсіпорындарына экскурсия және табысты кәсіпкерлермен кездесулер өткізуде.
Шара «Еңбек адамы» беделін көтеру, кәсіптік еңбекке ынталандыру, еңбек мамандықтарын насихаттау, жастарды өндіріс саласына тарту және көпжылдықжұмысшылар әулетін нығайту мақсатында ұйымдастырылған.
"Жұмысшы мамандығының беделін арттыру жастарға өздерін қоғамдық пайдалы және өзекті салаларда көрсетуге мүмкіндік береді, облысымыздағы жұмыс саласының кадрлар жетіспеушілігін шешуге ықпал етеді,"- дейді шара ұйымдастырушылары.
