0:00 / 0:00

"Zhas Project» жобасы көптеген кәсіп көзін ашты. Мәселен, Оралдан мемлекеттік грантқа ие болған бір топ жас әлеуеметтің аз қамтылған топтарына қолдау көрсетіп олардың өмірде өз орындарын табуына жәрдем беруде. Жас кәсіпкерлер қазіргі таңда қаражат көзі әлеуметтік қызмет көрсету саласында деп түсінеді. Өйткені осы салада сұраныс жоғары.Оралдағы жоба жеңімпаздарының бірі - Айда Сисенова! Ол маусым айынан бастап әлеуметтік қызмет көрсету саласы бойынша шаштараз кәсібін қолға алған. Оның айтуынша, әлеуметтік шаштараз өңіріміздегі тұрмыс жағдайы төмен отбасыларға, жетімдерге, жалғызбасты аналарға, мүмкіндігі шектеулі жандарға алты ай бойы ақысыз қызмет көрсетеді.
Бүгінде топ мүшелері қажетті орын, құрал-жабдықтар алып, халыққа сапалы қызмет көрсетуге кіріскен. Жоба жеңімпаздарының жұмысы ширақ, алға қойған мақсаттары айқын. Алғашқы күндері-ақ бірнеше кісіге қызмет көрсеткен кәсіп иелері мұнымен тоқтамақ емес. Мәселен, әлеуметтің осал тобын азық түлікпен қамтуды көздеген топ күн сайын 20 дан аса отбасына табиғи сүт өнімдерін таратады. Ал аз қамтылған отбасы тізімі құзыретті мекемелер арқылы жаңартылып отырады. Маусым айынан бері 200-ден аса шаңыраққа көмек берілген. Ал, Айым Меңдіғалиева болса кондитерлік өнімдер пісіруге кіріскен. Күні бүгінге дейін 15 адамды оқытып, кәуліктерін табыс еткен. Бағдарлама аясында қатысушылар үш кезеңдік оқытудан өтіп алты ай бойына әлеуметтік жобаларды жүзеге асырады. Студенттер ай сайынғы шәкіртақыларына қосымша 40 мың мен 60 мыңның аралығында еңбекақы алады. Облыс жастары ұсынған «Zhas project» жобасына қатысқан 1000 ға жуық жобаның ішінен 221 жас мемлекеттік грант ұтып алды. Әлеуметтің ең осал тобына арналған бұл жоба арқылы 1000-ға жуық жұмысқа тартылып отыр.