Оралдың 55/17 әскери бөлімінде борышын өтеп жүрген қатардағы жауынгердің өлі денесі табылды. Қайғылы оқиға таңғы сағат 5:30 дар шамасында облыс орталығында орналасқан түзету мекемелерінің бірінде болған. Денсаулық сақтау басқармасының таратқан ақпарына сүйенсек, марқұмның иегінің астынан оқ атылып, кейінен ол алған жарақаты салдарынан облыстық көпбейінді аурухананың жансақтау бөлімінде қаза тапқан. Қазіргі таңда әскер қатарында қызмет еткен сарбаздың өліміне қатысты тергеу жүріп жатыр. 5517 әскери бөлімінің мамандары аталмыш оқиғаға қатысты өзге мәлімет беруден бас тартып, мұны тергеудің құпиялығымен байланыстырды.
