0:00 / 0:00
Оралда 9 сыныпта оқитын қыз баланы зорлау оқиғасы бойынша тергеу жүргізілуде. Күдікке бірнеше адам іліккен. Олардың ішінде кәмілет жасына толмағандарға қоса үлкендер де бар көрінеді. Аталған ақпаратты полицейлер жоққа шығармады.БҚО ПД Тергеу басқармасының бастығы Шералы Абдрамановтың мәлімдеуінше, жасөспірімнің анасы 9 наурыз күні құзырлы орган өкілдеріне шағым түсірген. Оқиға 8 наурыз күні болған. 9 сыныпта оқитын қыз бала достарымен бірге мейрамды атап өткен. Оның соңы бірнеше жастың қызды зорлауымен аяқталған.Бүгінде аталған іс бойынша ҚР ҚК 120-бабы 3-ші бөлімі 1-ші тармағымен сотқа дейінгі тергеу амалдары жүргізілуде. Қалалық білім беру басқармасы да бұл жағдайды растады. Тәрбие ісі бөлімінің бас маманы Жазира Рысқазиева осы жағдайдан кейін мектепте арнайы іс-шаралар өтетінін хабарлады.
