0:00 / 0:00

Батыс Қазақстанда екі қолға бір күрек таба алмаған 100-ден астам адам құрылыс жасақтарында еңбектеніп жатыр. Араларында студенттер де бар. Олар жұмысқа бірер жұма бұрын кіріскен. Сала мамандары жаз мезгілінде 400-ге жуық азаматты құрылысқа жұмылдыруды көздеп отыр.

Биыл облыс аумағында 100-ден астам студент және жұмыссыз жас құрылыс жасақтарында еңбектеніп жатыр. Олар құрылыс нысанының басы-қасында жүргесін тәжірбие жинақтап, жаз мезгілінде бос уақыттарын тиімді өткізіп, жаңа достар табады. Қазіргі таңда студенттердің бірқатары облыс орталығындағы нысандарда еңбектенуде. Жас құрылысшыларға тәжірбиелі мамандар бас көз болып, қауіпсіздік ережелерін сақтауын қадағалайды.

Бұл-Руслан есімді студент. Ол сервистік колледждің үшінші курсында оқиды. Ол биыл бірінші рет құрылыс жасағында жұмыстануға келіпті.

Құрылыс жасақтарында барлық студенттер және жұмыссыз жастар еңбектене алады. Толық ақпаратты Назарбаев көшесі 188 мекен-жайында орналасқан Жастар ресурстық орталығынан білуге болады.