0:00 / 0:00
Кеше түс ауа жауған қар қала тұрғындарын әбден әбігерге салды. Аймақта күн райы күрт суытып, қатты жел соғып, қарлы боранға ұласты. Көктайғақтың салдарынан көлік қозғалысы қиындады. Иә, таң атпастан қалың жауған қар қала тұрғындарын әбігерге салды. Осы орайда «Жайық таза қала» мекемесінің қызметкерлері екі ауысыммен қар тазалау жұмыстарына кірісті. Синоптиктердің айтуынша, күн райы ертең де жауын-шашынды болып, кей жерлерді тұман басуы мүмкін. Сонымен, қалың қарды тазалаумен айналысатын «Жайық Таза Қала» мекемесі кешелі бері жауған қарды тазалап үлгере алмай жатқандықтарын айтуда. Өйткені бір ғана мекеме бүкіл қаланы ә дегеннен тазалауға қайдан мүмкіндігі болсын. Осы орайда тұрғындар тарапынан да туатын бірқатар мәселелер бар екен.
