2021 жылы қала ішінде қатынайтын 100 автобус жаңартылады. Бұл туралы шаһар басшысы Абат Шыныбеков әкім есебінде мәлімдеді. Пандемияға байланысты қала әкімінің тұрғындар алдындағы есебі онлайн форматта өтті. Абат Шыныбеков 2020 жылы 16,7 шақырым тас жолдың жөндеуі аяқталып, биыл 33 көшенің жолын жөндеу үшін құжаттардың дайындалып жатқандығын хабарлады. Және шаһар басшысы тұрғын үй кезегінде тұрған жандарды баспанамен қамту мәселесіне тоқталды. Қазіргі таңда облыс орталығында 21 мың адам кезекте тұр. Биыл мемлекеттік бағдарламалар арқылы 10 үйдің құрылысы басталмақ.
Сурет baigenews.kz сайтынан жүктелді
