0:00 / 0:00
БҚО- да өз ауылдасының қос бірдей жанарына пышақпен төрт мәрте соққы жасаған азаматқа қатысты үкім шықты. Жаға ұстатар оқиғаға: "Ауыл тұрғындарының бірі үйге бас көктеп кіріп, мені зорламақшы болды", - деген айыпталуышының әйелінің қоңырауы себеп болған. Бұл туралы қылмыстық істер жөніндегі мамандандырылған ауданаралық соты мәлімдейді. Оқиға болған күні айыпталушы басқа ауылға іссапармен кетіп бара жатқан, бірақ телефон қоңырауынан кейін бұрылып, үйге қарай беттейді. Үйіне кірген сотталушы, жәбірленуші Нұралиннің әйеліне қарсы зорлық көрсеткенін көріп, ауылдасын алдымен жұдырықтап, содан соң пышақпен көзіне 4 рет соққы жасайды. Кейін батареяға байлаған. Жәбірленуші оқиға орнында қайтыс болды. Ал Қалиев өз әрекетін полицияға хабарлаған.
