Бұл туралы бүгін халыққа есеп беру кездесуінде облыс әкімі Ғали Есқалиев мәлім етті.
Ауыл халқының өмір сүру сапасын арттыру мақсатында 2019 жылы Қазталов ауданында 9 ауылды газдандыру аяқталды. Дегенмен, газ құбыры «Жұлдыз» ауылына дейін жеткізілгенімен, мердігердің жауапсыздығынан тұрғын үйлерді көгілдір отынға қосу әлі аяқталмаған. Облыс басшысы бұл мәселе қатаң бақылауда болатынын айтты.
Осы жылы Теректі ауданының 7 ауылын және Ақжайық ауданының 4 ауылын газдандыру жоспарлануда. Бұл жұмыстарға қазынадан 1,5 млрд. теңге бөлініп отыр.
