0:00 / 0:00

ҚР Премьер-Министрінің орынбасары оралдық жастармен де жүздесті. Оралдағы оқушылар жəне жастар сарайына бет бұрған үкіметік топ өкілдері «Жастар жылы» аясында атқарылған өңірдегі жұмыстармен танысып, түрлі мемлекеттік бағдарламалар тиімділігін талқылады. Алдымен облыс əкімі Ғали Есқалиев сөз алып, жастарға емін-еркін сұрақ қоюды ұсынды. Кездесуде ҚР Ақпараттық жəне қоғамдық даму вице-министрі Данияр Есин жастар саясатының бағыт-бағдарын түсіндірген соң, өңірде мемлекет қолдауымен кəсіпкерлік бастаған жастар өз жетістіктерімен бөлісті. Облыстық «Жасыл ел» штабының жетекшісі Асылан Тапишев өңірде 1175 жас аталған штаб қарауында қызмет еткенін айтты. Сонымен қатар БҚО жастар саясаты мәселелері басқармасының басшысы Аян Сақошев соңғы үш жылда қолға алынып жатқан «Қолжетімлі спорт» жобасы туралы баяндап берді. Келесі жыл «Еріктілер» жылы деп аталмақ. Осы орайда көмек керек әлеуметтің осал тобына жастардың қол ұшын беруі азаматтық борыш саналады. Қоғамға пайдасын тигізу арқылы жастар үлкенге құрмет көрсете отырып, кішіге ізет танытатын болады. Жігерлі жастар басқосуында еріктілерді ауылдарда көбейту қажет екені де айтылды. Сонда жастар қоғамға пайдалы жұмыс жасайды деді Бердібек Сапарбаев. Басқосуда «Дипломмен ауылға» мемлекеттік бағдарламасына қызығушылық танытушылардың қатары облыста қалың екені айтылды. Сонымен қатар ауылдық жерлерде кәсібін ашқан жастар өз қатарластырын еңбекпен қамытып отырған жайы да сөз болды.