Еске сала кетейік, өткен аптада Орал қаласының жолаушы көлігі және автомобиль жолдары бөлімі №45 жолаушы көлігінің қозғалысы өзгертілгенін хабарлаған болатын. Ал 13 маршруты Ет комбинаты-Темір жол вокзалы бағытында: Ет комбинаты - Гагарин көш. - С.Датов көш. - Московская көш.- Екінші көш. - Әбілқайыр хан даңғылы - Қ.Мусин көш. - Құрманғалиев көш. - Шолохов көш. - Есенжанов көш. - Мұнайшылар көш. - Карбышев көш. - Депо жол құбыры. - Молдағұлова көш. - Құрманғазы көш. - Теміржол вокзалы арқылы өтеді. Осы орайда 35 ші нөмірлі қоғамдық көлік қозғалысында да өзгерістер бар.
Тағы бір айта кетерлік мәселе «Мұнай базасы» ауданындағы көпірді қайта құру жұмыстарына байланысты 2018 жылдың қарашасынан бастап өткел жабылып, бірнеше бағыттағы қоғамдық көліктердің жүру бағыты өзгертілген болатын. Дегенмен, тұрғындардың қоғамдық көліктердің қозғалысы бағыттарына әлі де шағымдары көп.Осы орайда өзгертілген қозғалыс сұлбасы тек көпір құрылыс жұмысының аяқталуынша ғана уақытша мәселе екенін қаперлеріңізге саламыз.