Редакция: +7 (7112) 93-34-33

Жарнама бөлімі: +7 (775) 906-38-00, +7 (707) 716-97-77

11:00

Жаңалықтар

13:30

Жаңалықтар

18:30

Жаңалықтар

21:00

Жаңалықтар

Еліміздің бас дәрігері Оралда

c 18:24, 20/04/2018 c 909

0:00 / 0:00

Қазақстан Республикасының Денсаулық сақтау министрі Елжан Біртанов Орал қаласына жұмыс сапарымен келді. Министр облыстағы медициналық ұйымдардың құжатсыз жұмыс жүргізу форматын арнайы тексеріп, жыл соңына дейін еліміздегі барлық медициналық мекемелердің құжатсыз форматқа көшетінін мәлімдеді. Сондай-ақ жуырда жедел жәрдем жүйесі де жаңғыртылмақ. Министр Елжан Біртанов Оралдағы жұмыс сапарын алдымен қалалық № 3 емханадан бастады. Облыс басшысы Алтай Көлгінов пен Елжан Амантайұлы мекемеде жұмыс істеп тұрған «электронды кезек» пен «электронды амбулаторлы карта» жүйесімен танысты. Бүгінде «к врачу» атты ұялы қосымша да іске қосылып, оның көмегімен өңірдің әр тұрғыны кез келген дәрігерге онлайн жазыла алады. Емхана мамандары қағазсыз жұмыс форматы енгізілгелі бері жүйедегі біраз ақаулар түзетілгенін айтады.

Іс сапар бұдан соң облыстық клиникалық ауруханада жалғасып, Елжан Амантайұлына "КазмедИнформ" медициналық ақпараттық жүйесінің жұмысы көрсетілді. Алайда, министр мырза ауруларды қабылдау бөлмесіне баса назар аударып, науқас түскен сәттегі көрсетілер көмектің маңыздылығын атап өтті. Триаж-іріктеу жүйесіне сай аурухана ішінің қайта жоспарланатыны да бүгін мәлім болды.

Қанатқақты жоба аясында қағазсыз жұмыс форматына облысымыздың 40 медициналық мекемесі көшкен. Жұмыс сапары барысында еліміздің денсаулық сақтау министрі өңірдегі сала қызметкерлерімен кездесіп, денсаулық сақтау жүйесіндегі жаңашылдықтарды талқылады.

Автор:

ТДК 42 телеарнасының сайтында tdk42.kz жарияланған барлық материалдар телеарнаның меншігі. Авторлық құқық қорғалған. Материалдарды сілтемесіз tdk42.kz көшіріп басуға, рұқсатсыз жариялауға тиым салынады.