2026 жылдың соңынан бастап Қазақстанға әкелінетін автокөліктерге жаңа талап қойылады. Енді жеке тұлғалар елге экологиялық класы Еуро-5-тен төмен емес және шығарылғанына бес жылдан аспаған көліктерді ғана кіргізе алады. Жаңа талаптар жеке пайдалануға арналған көлік құралдарына қатысты. Тиісті өзгерістер Көлік министрлігінің 28 қазандағы бұйрығымен бекітілді. Құжат 31 желтоқсанда күшіне енеді деп күтілуде. Айта кетейік, бүгінде Қазақстанда тіркелген автокөліктер саны 6 миллион 100 мыңнан асқан.