0:00 / 0:00
Мемлекет басшысы шағын бизнесті тексеруге мораторийді 2024 жылға дейін созды. Президент бұл шешімі жайында Астанада өткен “Алтын сапа” жүлдегерлерін марапаттау барысында айтты. Ағымдағы жылы елімізде 6 мың кәсіпкер 700 млн теңге сомасындағы заңсыз айыппұлдардан босатылды. 1,2 мың заңсыз шектеулер мен тиым салынған шара, бизнеске қатысты құқық бұзушылықтар тоқтатылды.1 мың заңдық тұлға жауапқа тартылды. Экономистердің пікірінше, тәуелсіздік жылдары бойы бизнесті дамыту мен қолдау жасау тек сөз жүзінде қалып отыр. Қолдау жасалғанымен бизнестің алға өрлеуі байқалмайды. Ұлттық банк болса базалық ставканы төмендетпей отыр. Басты проблема монополия. Отандық бизнес мемлекетпен тығыз байланыста. Квазимемлекеттік сектордың әрекетінен шағын бизнес өз ісін айналдыра алмай отыр. Нәтижесінде монополистер шылқып байып жатыр. Ал шағын және орта бизнес жұмыс орнын аша алмай отыр.
