Экс-Президент Нұрсұлтан Назарбаевтың кеңсесін қаржыландыруға 5,6 млрд теңге бөлінген. Бұл сома 2023-2025 жылдарға арналған республикалық бюджетте қарастырылған. Тоқтала кетсек, 2023 жылы қазынадан бұл мақсатқа 1 млрд 678 млн 654 мың теңге, 2024 жылы 1 млрд 994 млн 569 мың теңге, ал 2025 жылы 2 млрд 154 млн 435 мың теңге бөлінген. Қаржы министрі Ерұлан Жамаубаевтан нақтылағанымызда, миллиардтарды есіне түсіре алмады.

Экс-Президент Нұрсұлтан Назарбаевтың кеңсесін қаржыландыруға 5,6 млрд теңге бөлінген. Бұл сома 2023-2025 жылдарға арналған республикалық бюджетте қарастырылған. Тиісінше республикалық бюджеттен экс-президенттің кеңсесіне бөлінген қаржы жыл сайын өсіп отырады. 2023 жылы 1 млрд 600 миллион теңгеден астам қаражат бөлінсе. 2024 жылы 1 млрд 900 миллион теңгеден асады, ал 2025 жылы бұл сома 2 миллиард теңгеден асып жығылады. Нұрсұлтан Назарбаевқа ерекше мәртебе берген "Қазақстан Республикасының Тұңғыш Президенті – Елбасы туралы" конституциялық заң ресми түрде күшін жойғанын ескерсек, экс-президенттің кеңсесіне қазынадан қаржы бөлінуі керек пе деген сауал туады. Мәселенің мән-жайын анықтау үшін вице-министр Жамаубаевқа жүгінгенімізде, ашып ештеңе айтпады.

Сенат төрағасы Мәулен Әшімбаевтың өзі де есіне түсіре алмады.

Айта кету керек "Елбасы туралы" заңның күшін жоғалту экс –президент Нұрсұлтан Назарбаевты қылмыстық қудалау иммунитетінен айырмайды – бұл норма Конституцияда тікелей жазылған. Ал оның отбасы мен туған-туыстары мұндай артықшылықтан айырылып отыр. Яғни Назарбаевтың жеке басы ғана экс-президенттер туралы заңмен қорғалады. Еске салсақ, бірінші президенттің кеңсесі 2019 жылы Назарбаев биліктен кеткеннен соң құрылған болатын.