Ішкі істер органдарында табанды қызмет жасап, қатардағы тергеушіден жұмысын бастаған генерал-майор Рүстем Қайдаровтың сексен жылдық мерейтойына орай, оралдық оқу орындарында генералға арналған бұрыш ашылды. Рустем Қайдаров ішкі істер органдарында қызмет аяқтағаннан кейін, жас кадрларды дайындау, оларды қолдау бойынша табанды қызмет жасайды. Генералдардың төрағасы болған Қайдаров мырза талай жастың шеберлігін шыңдап, білім алуына мүмкіндік берді. Сонымен қоса, генерал-майор 30-ға жуық ғылыми еңбектің авторы атанған. Батыс қазақстандық полиция қызметкерлері мен жоғарғы оқу орындарының қызметкерлері ішкі істер органдарында ерекше қолтаңбасын қалдырған Рустем Қайдаровты еске алып, салтанатты шараның мән-маңызына тоқталды.
