Өткен жылы есірткі қылмысын жасаған 25 жасөспірім ұсталды. Бұл туралы ІІМ Есірткі қылмысына қарсы іс-қимыл департаментінің өкілі Данияр Оралов мәлімдеді. Ағымдағы жылдың басынан бері есірткінің заңсыз айналымына байланысты 420 қылмыс анықталды. Заңсыз айналымнан 755 келі есірткі, оның ішінде 270 келі «марихуана», 93 келі «гашиш» және 105 келі синтетикалық есірткі тәркіленді. Тек осы жылдың екі айында 7 нарколаборатория жойылып, пайдалануға дайын 90 кг астам есірткі және 1,5 тоннадан астам прекурсорлар тәркіленген. 1 ұйымдасқан қылмыстық топтың қызметі тоқтатылды. Қылмыстық іс қозғалып, 8 қатысушысы қылмыстық жауапкершілікке тартылды, 85 келіден астам есірткі тәркіленді.

Өкінішке орай, заңсыз есірткі ай¬налымы өзектілігін жоғалтпады. Мемлекет бұл қылмыспен күресті қанша қатаңдаттық, қылмыстық топтарды ұсадық, жазаладық деп есеп бергенімен, есірткі бизнесі дамып барады. Есірткі сатушылардың арбау-алдауына ілініп жат¬қандар көбі жастар. Цифр-лық технологиялардың дамуы есірткі стаушылар үшін тиімді болып тұр. Бүгінде заңсыз нарықтағы «дәстүрлі» апиын, кокаин және героинның жолда қалды. Себебі қазір есірткі саудасына құныққандар зертханаларда ең заманауи технологияларды қолдана отырып жасалған белгісіз синтетиканы қолданысқа енгізген. Ал оны сату үшін сайттарды қолданып отыр.

Ескерте кететіні, сабылып жұмыс іздеген жастарды есірткі диллерлері OLX, HeadHunter сияқты жарнама сайттарында есірткі жасыру жұмысына тартып жатыр. Сорақысы сол, есірткі саудасына кәмілет жасқа толмаған, өрімдей жас балалар тартылып жатыр.

Есірткі сақтағандаржәне оны таратумен айналысқандар ауыр жазаға тартылады. Қылмыстық кодекстің 296, 297-бабтарына сәйкес, 3 жылдан өмір бойына дейін бас бостандығынан айыру көзделген. Сондықтан ата-аналар балаларыңыздың немен айналысатынын, кіммен араласатынын үнемі тексеріп, бақылап отыру керек –деп кеңес береді полицейлер. Ал жыл басынан бері елімізде есірткінің заңсыз айналымына қатысты 420 қылмыс анықталды. 755 келі есірткі.