Редакция: +7 (7112) 93-34-33

Жарнама бөлімі: +7 (775) 906-38-00, +7 (707) 716-97-77

11:00

Жаңалықтар

13:30

Жаңалықтар

18:30

Жаңалықтар

21:00

Жаңалықтар

5 МЫҢНАН АСТАМ ҮЙ СУ АСТЫНДА ҚАЛДЫ

c 10:01, 16/04 c 23

0:00 / 0:00

Бір өңірде су тасқының беті қайтып жатса, басқа өңірлерде ажғдай ушығып тұр. Екі аптадан бері құтқарушылар мен жергілікті тұрғындар судан қорғану жұмыстарын үздіксіз жүргізіп жатыр. Төтенше жағдайлар министрлігінің мәліметінше, көктемнің әлегі басталғалы 111 мыңнан астам адам су басқан аймақтардан құтқарылды.

Су жүрген 103 автожолдың 80-нін су шайып кетті. Жергілікті атқарушы органдар халықпен байланыс орнатып, қажетті азық-түлік және дәрі-дәрмек қорларын құрған 82 елді мекен көлік қатынасынсыз қалды. Тасқын су басталғалы жалпы 5 мыңнан астам үй су астында қалды.

Ал ауа-райын болжаушылардың болжауы да көңіл қоншытпайды. Еліміздің 4 өңірінде гидрологиялық дабылды ескерту сақталып отыр. Соның ішінде Қостанай облысына тағы да қауіп төніп отыр.

АЛИНА ЫСМАҒҰЛОВА – «ҚАЗГИДРОМЕТ» РМК БАСПАСӨЗ ХАТШЫСЫ «4 өңірде гидрологиялық дабылды ескерту сақталады. Алматы облысында 16 сәуірге дейін қар көшкіні бойынша дабылды ескерту күшінде болады. Абай және Шығыс Қазақстан облыстарында өзендердің деңгейінің көтерілуіне байланысты қарғын судың беткейден су жүруі ықтимал.Қостанай облысында 17 сәуірге дейін солтүстік және солтүстік батыс өлкелердегі өзендердің деңгейі көтерілу қаупі бар. Жамбыл облысында 16 сәуірге дейін таулы және тау етегіндегі аймақтарда өзендер көтеріліп, беткейлерден су жүруі мүмкін»

БҚО жағдай күрделеніп тұр. Алдағы 2-3 күнде көрші Ресейден судың мол көлемде келуі күтілуде. Қауіпті деңгей 8,5 метр болса, бүгін Жайықтың деңгейі 8 метрге жуықтады. Облыстың баспасөз қызметінің хабарлауынша, Жайық өзенінің бойына жақын орналасқан Орал қаласында және облыстың 4 ауданында су тасқыны қаупіне байланысты күрделі жағдай қалыптасып отыр. Осыған оарй үкімет басшысы Олжас Бектенов БҚО болып, Жайық өзенінің жағалауын нығайту және бөгет құрылыстарын салу жұмыстарының барысын тексерді. Су қоймаларын бақылап шықты.

Солтүстік Қазақстан облысында су тасқының қарқыны күшейіп жатыр. Есіл өзенінде су деңгейінің көтерілуіне және су басу қаупіне байланысты Петропавл қаласының бірнеше шағын аудандары мен Қызылжар ауданының Соколовка, Большая малышка ауылдарында 85 жеке тұрғын үй су астында қалған. 1 003 адам алдын ала эвакуацияланды. Алайда, су басқан аймақтарда үйлерін тастап кетуден бас тартқан 59 адам қалып қойған. Бірініш вице-премьер ол адамдарды дереу қауіпсіз жерег шығаруды тапсырды. Мүлік шығынын өтеу шешіледі, ең бастысы адам құрбаны болмауы керек деді. Ал құтқару жұмысына қарсылық білдіргендер әкімшілік жауапкершілікке тартылатынын айтты.

ТЖМ хабарлауынша, Ақмола облысында Есіл, Қоңыр өзендерінде су деңгейінің көтерілуіне байланысты алты ауылды су басты. 100 аса үй суда қалды. Ал өткен жексенбіде Астана маңына да су келді. Ақмола облысы ТЖД баспасөз қызметінің мәліметінше, 14 сәуірде Целиноград ауданының Ақмол және Қаражар елді мекендері арасында орналасқан АЛВА лиманды суару жүйесінің бөгеті тұсында қатты толқынның салдарынан су толып кеткен. Бұл елордадан 10-12 шақырым жердегі ауылдар. Бірден бөгеттің ішкі бөлігін қапшықпен нығайту жұмыстары қолға алынып, аталған ауылдарға тасқын судан төнген қауіп сейілгенін хабарлады. Айта кету керек, елде орын алып жатқан су тасқынына байланысты сәуір айының 25-26 сәуірге жоспарланған Қазақстан машина жасаушыларының ХІІ форумы өткізілмейтін болды. Ал бұған дейін Президент Қасым-Жомарт Тоқаев биылғы 13-14 маусымға жоспарланған Астана халықаралық форумын өткізбеу туралы шешім қабылдаған болатын.

ТДК 42 телеарнасының сайтында tdk42.kz жарияланған барлық материалдар телеарнаның меншігі. Авторлық құқық қорғалған. Материалдарды сілтемесіз tdk42.kz көшіріп басуға, рұқсатсыз жариялауға тиым салынады.