0:00 / 0:00
2030 жылға қарай Қазақстанда 23,2 текше шақырым су тапшы болады. Ал 2040 жылға қарай Қазақстанда су тұтыну 46 пайызға артады. Елді мекендерде сумен жабдықтау мен реконструкциялау жөніндегі бірыңғай оператор құру керек. Қазір су мәселесімен үш бірдей министрлік айналысады. Бұл сапалы сумен қамту , су тапшылығына жол бермеу шараларын шешуге кедергі. Сондықтан су саласына жауапты жеке министрлік құрылған жөн. Депутаттар осындай ұсыныстарды алға тартты. Бүгін өткен Парламенттік тыңдауда сумен қамту мәселесі талқыланған болатын. Депутаттар мен министрлік өкілдері судың да сұрауы бар екенін енді түсінгендей.
Тірлішік көзі-сумен қамтамасыз етуде мәселе көп. Су тапшылығы тек Қазақстанды ғана емес, бүкіл әлемді алаңдатып отырған проблема. Экология министрінің мәлімдеуінше, елімізде 32 су объектісінде су сапасы нашар, ал 28 су объектісі өте нашар класқа жатқызылды. Су сапасы төмендеп, техногендік ластанған Балқаш-Алакөл, Арал-Сырдария, Ертіс және Тобыл-Торғай бассейні – бірінші кезектегі проблема. Ал жылан жылға суға сұраныс артып отыр. Халық санының артуы мен мал басының өсуі, өндіріс ошағының көбеюі су тұтыну көлемін 29,7 текше километрге дейін ұлғайтуы мүмкін. Ал 2030 жылы су тапшлығы бүгіннен де артады.
Үкімет болса 2025 жылға дейін сапалы сумен қамту, су тапшылығын төмендету үшін арнайы бағдарлама қабылдамақ. Халықты суды үнемдеуге үйрету қажет дейді вице-премьер.
Сумен қамтуды жасқарту үшін елді мекендерде сумен жабдықтау мен реконструкциялау жөніндегі бірыңғай оператор құру керек. Ал бүгінде сумен қатамасыз ету мәселесімен экология, ауылшаруашылық және индустрия министрліктері айналысады. Мәжілісмендер су саласына жауапты жеке дара министрлік қажет деген ұсынысты алға тартты.
Қазір елімізде 1543 ауыл таза сумен қамтамасыз етілмеген. Яғни ауыз сумен 100 пайыз қамту туралы Президенттің тапсырмасы аяғына жетпеген деді палата төрағасы Ерлан Қошанов. Біріккен Ұлттар Ұйымының мәліметі бойынша әлемнің әрбір бесінші тұрғыны судың тапшылығын көріп отыр Ал депутаттардың айтуынша, 2040 жылға қарай Қазақстанда су тұтыну 46 пайызға артады.
