Санитарлық-эпидемиологиялық мониторинг халықтың денсаулығы мен тіршілік ету ортасын бақылауға, талдауға және себеп-салдарын анықтауға бағытталған. Сондықтан тоқсанына бір рет сыртқы қоршаған ортадан, орталықтандырылған сумен жабдықтау нысандарынан сынама алынады. 9 айдың қорытындысына келсек, сумен жабдықтау объектілерінде санитариялық-химиялық көрсеткіш бойынша 6,7 пайыз сәйкессіздік анықталған. Бұл тізімге аудандар мен Орал қаласындағы нысандар кіреді. Сондай-ақ микробиологиялық көрсеткіш бойынша сәйкессіздік 3,1 пайызды құраған.

ГҮЛДАНА КЕРЕЕВА
БҚО САНИТАРИЯЛЫҚ-ЭПИДЕМИОЛОГИЯЛЫҚ БАҚЫЛАУ ДЕПАРТАМЕНТІ БАСШЫСЫНЫҢ ОРЫНБАСАРЫ

Облыс бойынша 469 сумен жабдықтау орны бар. Облыстық санитариялық-эпидемиологиялық бақылау департаменті басшысының орынбасары Гүлдана Керееваның айтуынша, сәйкес келмейтін сынамалар бойынша шаруашылық жүргізуші тұлғаларға сумен жабдықтау объектілерін тазалау, жуу және дезинфекциялау қажеттілігі туралы хат жіберілген.

ГҮЛДАНА КЕРЕЕВА
БҚО САНИТАРИЯЛЫҚ-ЭПИДЕМИОЛОГИЯЛЫҚ БАҚЫЛАУ ДЕПАРТАМЕНТІ БАСШЫСЫНЫҢ ОРЫНБАСАРЫ

Сондай-ақ департамент мамандары атмосфералық ауа сынамаларын да зерттеген. Мониторинг жүргізу үшін 31482 сынама алынып, оның 60-сынан шекті рұқсат етілген концентрациядан ауытқу жағдайы тіркелген. Мәселен, шаң-8, күкіртті сутек-6, көміртегі оксиді-15, күйе-21.