0:00 / 0:00
Батыс Қазақстан облысында ауру жұқтыру көрсеткіші құбылып тұр. Күнара түсін өзгертіп тұрған статистика бойынша бүгін өңір "қызыл аймақтан" "сарылар" тізіміне енді. Санитарлар ауру саны 3,7 пайызға азайғанын мәлімдеді.Облыста енгізілген бірқатар шектеулер нәтижесін бере бастапты. Өңірде аурушаңдық көрсеткіші осы аптада азайған. "Қызыл аймаққа" енген кезеңде өңір оқушылары арасында дерт дендеп, 31 мектепте 42 сынып карантинге жабылған еді.1 ақпанда өңірге әкелінген 1 мың доза алдымен медицина қызметкерлеріне егілуде. 1 ақпаннан бастап Оралдағы алты қалалық емхана мен «Медициналық орталық» ЖШС-да бүгінге дейін 240 адам ресейлік «Гам-COVID-Вак» вакцинасымен (Sputnik V) егіліп үлгерген.Бұған дейін Оралдағы медицина қызметкерлері егіліп жатса, бүгін осындай екпе жұмыстары Бәйтерек және Теректі аудандарындағы ауруханаларда басталыпты.
