Қылмыстық соттың өкілдері ит жылында 54 тұлғаға қатысты 38 қылмыстық істің түскендігін хабарлайды. Өндірісте болған 35 іс аяқталып, 44 тұлға түрлі жауапкершілікке тартылған. Аталған азаматтардың 40-ы бас бостандығынан айырылса, бір күдікті ақталып, 2 тұлғаға қатысты бас бостандығынан шектеу жазасы қолданылыпты.

2018 жылы ювиналды сот заң талаптарын аяққа таптаған 29 ісі қаралыпты. Қылмыс жасап айыпты болған жандардың 11-і бас бостандығынан айырылған. Сала мамандары тәртібі заң нормаларына сәйкес келмеген жасөспірімдер көбінесе, ұялы телефондарды қолды қылып, адамды ұрып-соққаны үшін жауапқа тартылыпты.

Кәмелетке толмаған жандардың қылмысын қарайтын сот сотқа дейінгі ақпарат жинауда олқылық орын алып тұрады деседі. Аталмыш ақпараттың көмегімен баланың психологиялық көңіл-күйі, оның әлеуметтенуі сынды сауалдарға жауап табылатын көрінеді. Сондай-ақ, соттағы жаңашылдық туралы да сөз болды. Мәселен, өткен жылы "Отбасы сот" атты пилоттық жоба іске аса бастапты.