0:00 / 0:00
«Zhas project» жобасы бойынша облыстан 221 жас мемлекеттік грантты ұтып алды. Әлеуметтің ең осал тобына арналған бұл жоба аясында 1000-ға жуық жұмыссыз екі қолға бір күрек таппақ. Аталған жоба өткен 2017 жылдан бастап республикамыздың бірқатар аймағында пилоттық жоба ретінде енгізілді. Оның түпкі мақсаты – осал топтағы жастардың бастамасына қаржылай қолдау көрсету және осы арқылы шағын және орта бизнесті дамыту. Оған кәсібін ашсам деген 16-29 жас аралығындағы жұмыссыз, мүмкіндігі шектеулі жастар қатысты. Жеңімпазына 1 миллион теңгеге дейін қайтарымсыз грант беріледі. Айта кетейік, биылғы жылдан бастап бұл шара өңірде қолға алынды. Аймақ жастарынан 771 жобаның 221-і үш кезеңдік байқаудан өтіп грантты ұтып алды. Жеңімпаздарына нақты тоқталсақ. Бәйтеректен -10, Ақжайықта -30, Бөрліде - 3, Жаңақалада - 20, Жәнібекте - 10, Қазталовта - 17, Сырымда-9, Тасқалада - 2, Теректіде -15, Бөкейордада -28, Шыңғырлауда - 6, Қаратөбете-17. Ең белсенді жастар Орал қаласынан - 54. Биылғы байқауда бағы жанбағандар келер жылдан үмтті.