0:00 / 0:00
Енді қала тұрғындарына жаңа үлгідегі автобустар қызмет етеді. Билік өкілдерінің айтуынша, осылайша бірте-бірте барлық автопарк жаңартылмақ. Жыл соңына дейін 600 автобус жаңасына алмастырылады.
Жаңа автобустардың сыйымдылығы ескісінен едәуір үлкен. Ұзындығы 8,5 метр, паспорты бойынша 70 жолаушы сыюы тиіс. Барлық рұқсатнама қағаздары да беріліпті. Таңсәріден 39 рейс бойынша қоғамдық көліктер халық қызметіне жол тартты. Тұрғындарға жаңа автобустар ұнап жатты, көліктің іші де, сырты да су жаңа. Әттең, ескі көліктермен бірге проблемалар да жойылса, дейді, жолаушылар. Ал жолақы құны әзірге өзгеріссіз.
