Елбасының бұқаралық спортты 30 пайызға дейін дамыту жоспарына сәйкес, биылғы жылы өңірімізде бірқатар жұмыстар қолға алынған болатын. Бүгінгі таңда, Ақжайық өлкесінде бұқаралық спортты дамыту көрсеткіші 27 пайызды құраған. Өңіріміздің тұрғындары спортты жанына серік қылып, салауатты өмір салтын ұстану үшін облысымыздың түпкір- түпкірінде спорттық нысандар халықтың пайдалануына берілді. Облыстық дене шынықтыру және спорт басқармасы спортты дамытуға ат салысып жүрген, түрлі әлемдік және халықаралық додаларда бақ сынап, жеңімпаз атанып жүрген жандарды марапаттап, 2017 жылдың жетістіктерін қорытындыланған еді.
