0:00 / 0:00
Билеп қарбыз сатуға талпынған жігіттің видеосы кешелі-бүгін әлеуметтік желілерде тарап көпшіліктің көңілін көтеруде. Тіпті республикалық сайттарда жаппай талқыланып жатқан сатушымен арна тілшілері тілдесіп қайттты. Оның айтуынша, осы өнерімен көзге түскелі бері саудасы қызған. Саудагер мұраты ұту. Иә, тауарын осылайша еш жарнама агенттігінің көмегінсіз биі арқылы қыздырып алған сатушы жұмысымды жақсы көремін дейді. Отбасын асырап отырған Талғат «Желаев» жолы бойында өзі сынды қарбыз-қауын сатушылардың көп екенін тілге тиек етті. Яғни тұтынушыларын тартуда, оның бұл өнері көпшіліктің көңілінен шыққан. Тіпті камера алдында билеп те берді. Құрамында дәрумені мол, әрі шөліңді қандыратын бұл жидектің бағасы қазір Оралда құбылып тұр. Базарларда 120 теңгеден басталса, кей жерелерде келісі 150 теңгеге дейін бағаланады.
