0:00 / 0:00
Оқиға қараша айының 12-күні кешкі сағат 22.30-дар шамасында Көкшетау мен Махамбет ақын көшелерінің қиылысында болған. Газель маркалі жедел жәрдем көлігінің жүргізушісі Лада Гранда автокөлігіне жол бермей, нәтижесінде жедел жәрдем автокөлігі аударылып қалды. Абырой болғанда кісі өлімі жоқ, бірақ жедел жәрдем көлігінің екі қызметкері түрлі дәрежедегі жарақат алып, облыстық ауруханаға жеткізілді. Қазіргі таңда аталған іске қатысты сотқа дейінгі медициналық сараптамасы тағайындалды.
