0:00 / 0:00
Санитарлық қызметтің мамандары 1-ші сәуірдегі ахуал салыстырмалы түрде тұрақты екендігін айтады. Өңірімізде 29-шы наурызда бірінші рет коронавирус індетін жұқтырған екі дерек тіркелген болатын. Қазіргі таңда 2 науқас облыстық жұқпалы аурулар ауруханасында ем-дом қабылдап, 92 азамат стационарлық карантинде жатыр. Вирустың облыс аумағында таралмасы үшін дезинфекциялық жұмыстар атқарылуы тиіс.
БҚО наурыздың 29-нда бірінші рет коронавирус індетіне шалдыққан 2 науқас анықталған. Қазіргі таңда олар облыстық жұқпалы аурулар ауруханасында ем-дом қабылдап жатыр. Сала мамандары науқастардың жағдайы қалыпты екендігін айтады.
Вируспен күресудің төте жолы- дезинфекциялық жұмыстарды уақытылы орындау. Қала аумағында 300 қоғамдық көлік дезинфекциядан өтіп жатыр. Мамандар диахлордың көмегімен күн сайын автобустарды инфекциядан зарарсыздандырып жатыр. Сондай-ақ, коммуналдық мекемелер мен төтеншеліктер қала көшелерін дезинфекциялауда.
Орал қаласында 107 пәтер иелері кооперативі бар. Олардың 76-сы аулауларын тазартып жатыр. Қала әкімінің орынбасары дезинфекциялық жұмыстардың баршасы төтенше жағдай аяқталғанша орындалатындығын айтады.