0:00 / 0:00

Грантқа түсуге ниет білдірген талапкерлерден 5-10 тамыз аралығында құжат қабылданған болатын. 94 грант Махамбет Өтемісов атындағы Батыс Қазақстан мемлекеттік университеті, Жәңгір хан атындағы Батыс Қазақстан аграрлық-техникалық университеті, Марат Оспанов атындағы Батыс Қазақстан мемлекеттік медицина университеті мен "Нұр-Мүбәрак" Египет ислам мәдениеті университеті арасында бөліске түсіп отыр. Сондай-ақ ақылы негізде жоғары оқу орнына түсу үшін тапсырылған ҰБТ-дің нәтижесі де белгілі болды.

ҰБТ-ге қатыса алмаған, шектік балды жинай алмаған және арнаулы оқу орындарын бітірген студенттерге екінші рет мүмкіндік осыдан 2 жыл бұрын берілген болатын. Биыл ақылы негізде ЖОО-на түсемін деушілерге ҰБТ 16,17 және 18-тамыз күндері өтті. Оған 1600-ден астам талапкер қатысқан. 1ші лекте 356 адам 5 пәннен сынақ тапсырды. Ең жоғарғы 140 бал болса, шектік бал 50.

Тестілеуден сүрінбей өткен студенттер өздері қалаған мамандықтары бойынша тегін білім алу мүмкіндігіне ие болып, қуаныштары қойындары сыймай жүр.