Жұмыссыздарға арналған бос жұмыс орындары жәрмеңкесі Островский атындағы драма театр қабырғасында өтуде. Мұнда, әсіресе жастарға мүмкіндік көп. Мансап жолын бастағысы келетін азаматтар жұмыс берушілермен ашық диалог құра алады. 50-ге жуық жұмыс беруші 500-ден астам бос лауазым ұсынды.))

АРХАТ ИСЛАМҒАЛИ

«ЖАСТАР РУХЫ» ЖҚ БҚОФ ТӨРАҒАСЫ

Өңірде педагогика мен медицина саласы мамандарына қажеттілік бар. Қазіргі күні ерекше балаларды оқытуда дефектолог, психолог, логопед мамандарына жауапкершілік жүктелген. Сұранысқа ие мамандарды жұмысқа баулып, кәсіби деңгейге көтеруге білім орталықтары мүмкіндіктер ұсынады. «Жұмыссыз адамнан ниет пен батылдық талап етіледі. Қалғаны тәжірибе арқылы қалыптасады», - дейді жұмыс беруші.

МӘРИЯМ ҚОЖЖАНОВА

БАЛАЛАР ОРТАЛЫҒЫНЫҢ АТҚАРУШЫ ДИРЕКТОРЫ

Жәрмеңке аясында сала өкілдері мемлекеттік бағдарламалар бойынша кеңес ұсынды. Бүгінде жастардың бизнес саласына деген қызығушылығы басым. Ұйымдастырушылар тарапынан бұл қажеттілік ескеріліп, кәсіпкерлік басқармасының мамандары диалог алаңынан табылды. Қайтарымсыз грант, жеңілдетілген несие, жалпы кәсіпкерлік негіздері бойынша білім базасын қалыптастыру жөнінде кеңес берілді.