«Жоғары оқу орындары кітапханаларының серіктестігі: ынтымақтастықтың жаңа түрлері».Бүгін осындай атауда М.Өтемісов атындағы БҚМУ-нің қабырғасында жоғары оқу орындары кітапханаларының басшылары мен жетекші мамандарының қатысуымен халықаралық ғылыми-практикалық конференция ұйымдастырылды. 2 күнге созылатын ғылыми конференцияға өңіріміздегі ЖОО-ның кітапханашыларынан өзге, көршілес ресей Федерациясынан делегаттар қатысып, кітапхана саласында енгізген озық тәжірибелерімен бөлісті. Мұндағы мақсат - кітапханалардың халықаралық жоғары оқу орындарыаралық достастығын дамыту мен ел ішіндегі және халықаралық құжат алмасу үшін республикалық және шетел кітапханаларымен серіктестік қатынастар орнату, сондай-ақ жоғары оқу орындарының профессорлар-оқытушылар құрамының еңбектерін ішкі және әлемдік нарыққа ілгерілеуіне септігін тигізу. М.Өтемісов атындағы БҚМУ-нің ғылыми кітапханасы - колледж оқытушылары мен студенттері үшін маңызды ақпарат, мәдени және білім беру орталығы екені сөзсіз. Онда -1 млн. астам кітап қоры бар. Қазіргі таңда "Цифрлы Қазақстан" мемлекеттік бағдарламасы аясында 15 мыңға жуық оқулық цифрлық фарматқа көшіріліп , университет қабырғасында білім алып жатқан кез келген студент кітапхана сайтынан өзіне керек мағұлматтарды алып келеді. Жиын соңында ынтымақтастықтың түрлері, тиімді әдістері мен технологиялары, кітапханалардың бір-біріне қатысты құқықтары мен міндеттері туралы өзара тиімді келісімдерді сақтауға,  жоғары оқу орындары кітапханаларының өңіраралық, мемлекетаралық және ұлтаралық өзара әрекеттестігін тереңдету жөнінде ұсынымдар қабылданды.