0:00 / 0:00
Санаулы сағаттардан соң 2020 жылды қарсылаймыз. Әдетте, жаңа жыл мерекесін отбасымен немесе достарымызбен қарсы алып жатамыз. Бірақ, бұл күні азаматтардың қауіпсіздігін, олардың денсаулығы және діттеген жеріне аман-есен жетуі үшін қызмет жасайтын жандар мейрамға қарамастан бір мезетте дамыл таппайды.
Жаңа жылға қарамастан "Орал" вокзалында жолға шыққан жолаушылар мен оларды шығарып салатын жандардың қарасы қалың. Мереке күндері алыс жолға шыққан жандардың кейбірі жаңа жылды поездта қарсы алады. Бірі алыстағы үйіне шықса, енді бірі саяжайға асық.
Сала мамандары барлық жолаушылар діттеген жеріне аман -есен жету үшін мерекеге қарамастан барлық жұмысты жалғастырамыз деп отыр.
Сала мамандары барлық жолаушыларды жаңа жылмен құттықтайды.
