0:00 / 0:00
Жол сапасы басты назарда
Бағдарлама арқылы құрылысы жүргізіліп жатқан жолдардың бірі – қаланың солтүстік-шығыс ауданындағы Еуразия көшесінен Тәуелсіздік көшесіне дейінгі Алаш көшесі. Бұл маңда 628 метрлік автокөлік жолы, жолдың екі жағынан жаяу жүргіншілер жолы салынбақ. Құрылыс мердігері – «Астрадор» ЖШС. Жолдың ені 9 метр. Бөлінген қаражат 108 млн теңге. Бүгінде жұмыстың 30 пайызы орындалған.
Cапалы жол– Адалдық алаңы жобасы бойынша мониторингттік топ мүшелері жолдың сапасын басты назарда ұстап келеді. Қадағалаушы топ нысанда да жолдың жобаға сай болуын – ұзындығы, ені мен қалыңдығы бойынша тексерулер жүргізді. Құрылыс материалдарының сапалылығын назарға алды.
Ақаулар анықталған жағдайда акт жасалып, кемшіліктерді жою уақыты көрсетіледі. Орал қаласының басты проблемасына айналған жолдардың талап бойынша жасалуы үшін мұндай тексерістер жиі ұйымдастырылатын болады.
