0:00 / 0:00
Өткен жылдың желтоқсанында облыс көлемінде "Ақжайық-адалдық мекені" атты жоба қолға алынды. Бұл жобаның негізгі мақсаты: жең ұшынан жалғасқан жемқорлықтың жолын кесу. Аталмыш жаңашылдық алғаш рет Астана қаласында ұйымдастырылды. Бұл жоба көптеген мемлекеттік қызметтерді цифрландыру жүйесіне көшіруді көздейді. Электронды формат бойынша облыс аумағында көптеген жұмыстар атқарылуда. Мәселен, өткен жылы медицина саласы түгелдей дерлік цифрлық форматқа өткен болатын. Сондай-ақ, биылғы жылы көрсетілетін мемлекеттік қызметтің 80 пайыздайы электронды жүйеге көшуі шарт. Жемқорлықпен күресу үшін жиналған азаматтар аталмыш жобаның аяқ алысын талқылап, өзекті проблемаларды анықтап, олардың қалай шешілуін талқылаған еді.
