Биыл БҚО-да "Жасыл ел" еңбек жасағының жұмысына 80 млн. теңгедей қаражат бөлініп отыр. Жоспар бойынша 1100-дей жас қаланы көгалдандырып, гүлзарларды әсемдеу жұмысына қолғабыс жасайды. Және осы жылдан бастап еңбек жасағының жұмысы аймақтың барлық аудандарында жанданды. Толығырақ алдағы сюжетте.

«Жасыл ел» жастар еңбек жасағы 2005 жылы Елбасы Н.Ә.Назарбаевтың «Қазақстан экономикалық, әлеуметтік және саяси жедел жаңару жолында» атты дәстүрлі Жолдауы негізінде құрылған көшбасшы жастар ұйымы. Басты мақсаты-елімізді көгалдандыру, абат­тандыру арқылы студенттер мен жұ­мыс­сыз жастарды еңбекпен қамтама­сыз ету. Сондай-ақ, жастар арасында экологиялық тәрбиені насихаттау болып табылады.
Жасыл ел жастары Жайық таза қала ЖШС-не жазғы уақытта үлкен көмек көрсетеді. Биылғы жылы алңғашқы рет облыстың барлық аудандарының аталмыш бағдарламамен қамтылуы жасыл ел ауқымын кеңейтуде. Жасаққа енуге 300ден астам тілек білдірген жас кезекте тұрған көрінеді.
Жаз бойы жұмыс жасаған жасақ құрамындағылар бірнеше ауысым арасынан үздіктерді анвқтап, марапаттайтын болады.