Облыс орталығында үш бірдей спорт және балалар алаңы пайдалануға берілді. Жаңадан құрылысы аяқталған нысандар бірнеше көпқабатты тұрғын үйлер орналасқан ауданда бой түзеді. Жаңадан тапсырылған спорт алаңдары балалардың көзайымына айналып отыр.
Орал қаласында үш бірдей спорт және балалар алаңы пайдалануға берілді. Олардың бірі Абай даңғылында, Құрылысшы шағын ауданы мен Әбілқайыр даңғылы 153, 155/1 орналасқан.
Жаңа алаңдарда бүлдіршіндерге арналған әткеншектер, ойын алаңдары және балалар мен жасөспірімдердің спортпен айналысуына жағдай жасалған орындар жабдықталған.
Көпқабатты үйлердің тұрғындары мен балалар жаңа алаңның пайдалануға берілгеніне дән риза.
Жалпы биыл Орал қаласында 20 алаңның құрылысы жүргізілмек.
