0:00 / 0:00
«ОралАвтоТранс» ЖШС 8 жаңа автобусты желіге қосты. Оның 5-і Yutong бренді. Олар 5-ші маршрут бойынша жүреді. Қалған 3 Vector бренді 43-ші маршрутты алмастырады.
Жаңа автобустар салқындатқыштармен жабдықталып, жолаушыларға қолайлы жағдай жасалған. Қала әкімінің орынбасары Жандос Дүйсенғалиевтың айтуынша, мұндай көліктердің құны арзан емес. Лизинг, субсидия және екінші деңгейлі банктер арқылы сатып алу мүмкіндігі қарастырылған.
ОралАвтоТранс» ЖШС қала бойынша үш бағытқа қызмет көрсетеді. Автобустардың жалпы саны 63 бірлік. Бүгінде оның 50-ге жуығы жаңартылған.
