0:00 / 0:00
Осыдан 12 жыл бұрын салынған Жайық өзені жағалауы сын көтермейді. Қазіргі таңда саябаққа төселген өрнектастар сынып, баспалдақтармен көтерілу қауіпті. Тұрғындар жиі серуендейтін жағалауды жөндеп берсе деген уәждерін айтып отыр.
Бұл-Жайық өзенінің жағалауы. Саябақтың кескін-келбеті оралдықтардың сынына жиі ұшырайды. Қазіргі таңда жердегі өрнектасы сынып, қабырғасы қақырап түсіп жатыр.
Оралдықтардың сүйікті орына айналған Жайық өзенінің жағалауы 2011 жылы күрделі жөндеуден өтті. Содан бері мердігер компания он жылдай ағымдағы жөндеу жұмысын атқарып келіпті. Былтыр саябақтағы су бұрқақ жөнделді,- дейді мамандар.
Мамандардың сөзіне сенсек, өңі қашқан Жайық жағалауы шілде айында ағымдағы жөндеу көрмек. Ең алдымен тиісті жобалық-сметалық құжат дайындалып, ол сараптамадан өтсе және жөндеудің қаражаты бөлінсе ғана жағалаудың кем-кемтігі түзелмекші.
