БҚО 2018 жылы 190-ға жуық азаматтың жоғалып кеткендігі туралы арыз түскен. Өткен жылғы дерекке көз жүгіртсек, жоғалғандардың 40-ы кәмелет жасына толмағандар. Сала мамандары олардың балалар үйлеріне аман-есен оралды деседі. Бүгінде жоғалды делінген жандардың 15-сі мерт болып, олардың тек мүрделері ғана табылып отыр.

Еліміздің аумағында жоғалып кеткен жандарды іздестіріп, хабар- ошарсыз кеткен туыстарынан қандай да ақпар ала алмай жүрген жандардың қарасы қалың. Солардың бірі -Алтынай Сагнаева. Ол 2016 жылдың 16-шы шілдеде жоғалып кеткен ағасы Сағнаев Қанатты іздейді. Қанат Маратұлы осыдан үш жыл бұрын Ақжайық ауданына қарасты Алмалы ауылында суға түсуге барып, сол күйі үйіне оралмапты. Қанаттың қарындасы оның психологиялық сырқатқа шалдыққандығын, оның бұрын екі мәрте үйден кетіп қалғандығын айтады.

Қанаттың туыстары мен полиция қызметкерлері ол туралы қандай да бір ақпаратты білсеңіздер  98-41-06, 98-41-07  нөмірлеріне хабарласуды сұрайды.