Парламент ұлу жылын қорытындылап тастады. Қос палата осы жылдағы соңғы жалпы отырыстарын өткізіп, қанша заң қабылдағандарын жарыса мәлімдеді. Сенат 40 отырысын өткізіп, 90 заң жобасы Мәжіліспен қабылданып, Сенатпен мақұлданған. Мәжілістің қарауына 106 заң жобасы енгізіліп, 37-н қабылдап, Президент он заңға қол қойды. 2024 жыл жоғары заң шығарушы органда жұмыс қызып тұрды дейді депутаттар. Халықтың қамын қамтитын маңызды қандай заңдар қабылданды?

Депутаттар өз жұмысын бағалауға келгенде жарыса пікір айтты. Банктер алдында қарызға батқандар мәселесі, ойынқұмарлықты тыюға, әйелдер мен балалрға қатысты зорлық-зомбылықты тоқтатуға мүмкіндік беретін заңдар қабылданды.

Депутаттар жыл бойғы жұмысына риза болғанымен, үкіметке көңілі толмай отыр. Сенім білдірген министрлер кабинеті сенімді неге ақтамады?

Айта кету керек, Парламент биыл бірнеше рет толықтыру енгізілген бюджет жобасын қабылдады. Бұл жолғы қаржы құжаты көптің көңілінен шыға қоймады. Қазынада ақша жоқ екенін үкімет мүшелері ашық айтты. Бюджет тапшылығын жою үшін Ұлттық қордан үш жылға 2 трлн теңгеден тартуға Парламенттің келісімн алып алды. Оған қоса бірнеше ратификацияны қабылдап, сырттан қарыз алатын болды. Депутаттар бюджетті жрспарлау жұмысы жоқ екенін айтып, сынағанымен, министрлер кабинеті өз жұмысына жаман баға беріп отырған жоқ.