Жақын арада «ұлттық тауарлар каталогын» енгізу аяқталады. Бас экономистің Жұманғариннің айтуынша, бұл жүйе кассалық чектерді бермеу мәселесімен күресуде маңызды құрал болмақ. Қазір заңнамалық тұрғыда «ұлттық тауарлар каталогы» ұғымын енгіздік. Шамамен шілде айына қарай бұл заңнамалық деңгейде толық іске қосылады, – деп отыр ұлттық экономика министрі. Оның айтуынша, жаңа тауарлар каталогы ел нарығында бар барлық тауарларды сипаттау үшін ыңғайлы.
СЕРІК ЖҰМАНҒАРИН, ҚР,ПРЕМЬЕР-МИНИСТРДІҢ ОРЫНБАСАРЫ, ҰЛТТЫҚ ЭКОНОМИКА МИНИСТРІ “Біздегі негізгі проблема – салық жинауда болып отыр. Оның басты себебі – түбіртектердің дұрыс берілмеуі. Бұл көлеңкелі экономика үшін ыңғайлы болып отыр. Түбіртек бермеу шағын және орта бизнестен, әсіресе бөлшек саудадан салық жинауға кедергі. Біз түбіретктерді беруді көбейтуіміз керек, себебі кассалық аппараттардың 30%-ы – «темір», оларға ұлттық тауарлар каталогын енгізу мүмкін емес.”
Осы орайда Министр банкирлерге азаматтарды кассалық түбіретктерді алуға ынталандырудың жаңа шараларын талқылауды ұсынды.
СЕРІК ЖҰМАНҒАРИН, ҚР ПРЕМЬЕР-МИНИСТРДІҢ ОРЫНБАСАРЫ, ҰЛТТЫҚ ЭКОНОМИКА МИНИСТР “Кассалық түбіртектер бойынша ұтыс ойындарына қалай қатыса аламыз? Сіздермен осы мәселені ақылдасып алғымыз келеді.. Халықты сауда жасаған кезде түбіртек алуға ынталандыруымыз керек”.
Вице-прьемер бұл идеяны банктер арқылы және ұлттық лотерея операторының қатысуымен жүзеге асыруға болады деп отыр. Өз кезегінде отандық банктер мемлекетпен ынтымақтастыққа дайын екенін мәлімдеді.
МИХАИЛ ЛОМТАДЗЕ - КӘСІПКЕР “Көп рақмет, біз бұл бастаманы қолдаймыз. Бізде нақты идеялар мен нәтижелер бар, бөлісуге дайынбыз.”
Ал үй жанындағы шағын дүкендер мен басқа да ұсақ сауда орындары төлемдерді кассадан тыс қабылдап жататыны ешкімге құпия емес. Кейбірі тек қолма-қол ақшамен немесе жеке тұлғаның атына банк аударымы арқылы төлем жасауды сұрайды. Мемлеект басшысы Қазақстан экономикасының үштен бірі көлеңкеде қалып отырғанын айтқан еді. Экономистердің бағалауынша, көлеңкелі экономика Қазақстанның дамуына теріс әсер етуде. Бәсекелестікті төмендетеді, шағын және орта бизнестің дамуына кедергі келтіреді және бюджетке түсетін кірісті азайтады. Ал кәсіпкерлер болса салықтың тым жоғары екенін және есептіліктің күрделі екеніне айтып, шағымдануда.
