Күні кеше Батыс Қазақстан облысының Жәнібек ауданында белгісіз ұшқышсыз ұшу аппаратының бөлшектері табылғанын жергілікті полиция растады. Бұл жағдай соңғы бір жарым айдың ішінде үшінші рет қайталанып отыр. Еске сала кетейік, ақпан айында өңірдің Бөкейорда ауданында белгісіз ұшатын нысан табылса, бір айдан кейін Тасқала ауданында тағы біреуі табылғанды. Апатқа ұшыраған аппараттың кімге тиесілі екені әзірге белгісіз. Әуе қорғанысын бақылайтын қорғаныс министрлігі мұның себеп-салдарын түсіндіретін ресми хабарлама жасауға асықпайды. Парламент Мәжілісінің дәлізінде журналистердің сұрағына жауап берген қорғаныс министрінің орынбасары Жазықбаев тергеу жүріп жатыр деді. Сондай-ақ ол БҚО-ң Бөкей Орда ауданында Ресейдің ұшақ сынақ полигондары бар екенін айтып, халықты алаңдамауға шақырды

Қазақ жерінен табылған беймәлім ұшқышсыз аппараттың қайдан келіп құлғананын Сыртқы істер министрінің орынбасары да білмейді.

Алайда депутаттар бұл жағдайға алаңдаулы.

Қазір ұшқышсыз ұшу аппа¬рат¬тарын қолдану аясы кеңіген. Автомат¬тан¬ды¬рылған ұшқышсыз аппараттар белгілі бір авиациялық жұ¬мыс түрлерін орындау үшін пайдаланылады.