Оралда 2 млрд теңгенің теннис орталығы саттыққа шығарылды. 2015 жылы салынған теннис орталығын кәсіпкердің қолына 7 жылға сенімгерлік басқаруға беру жоспарланып отыр.Спорттық нысан 7 жылға сатып алу құқығынсыз сенімгерлік басқаруға берілмек. Конкурсқа қатысушылар үшін кепілдік жарна 20 миллион теңгені құрайды. Нысанның жалпы құны - 697 млн теңге. Бұл ретте оған үстел теннисі мектебінің ескі ғимараты да қоса беріледі. Бұған дейін шенеуніктер құрылыс кезінде теннис орталығының жобасы 2 миллиард теңгеге бағаланғанын айтқан болатын.Сондай-ақ болашақ жеңімпаз өз есебінен  спорттық шаралар өткізіп, спортшылардың жарыстарға жылына үш рет шығуын жүзеге асыруы тиіс. Ал табыстың 50% - ын бюджетке аударуы қажет. Тендер қорытындысы 10-шы наурыз күні белгілі болмақ.КТМ: Естеріңізге сала кетеміз, бүгінге дейін бірнеше спорттық нысан сенімгерлік басқаруға берілген болатын. Атап айтқанда Мұз спорт сарайы, Ұлттық спорт мектебі және бірнеше спорттық алаңдар. Бүгінде мекемелерде келісімшартқа сәйкес шаралар атқарылуда.