Қардың көбесі сөгіліп, қазіргі таңда пәтер иелері кооперативтері де қызу жұмысқа кіріскен. Өйткені, қыстағы түскен қалың қардың салмағын көтермеген ескі үйлер мен әлеуметтік  нысандар шатырлары сынған еді. Бүгінде кей  пәтер иелері  жеке компанияларды жалдап, үй шатырларын жөндетсе, бірқатары тұрғын үйді жаңғырту бағдарламасы аясында құрылыс жұмыстарын қолға алыпты. Бұл туралы қала әкімі Мұрат Мұқаев мәлімдеді. Әзірше, аталымш шаруаға барлығы бірдей кірісе қойған жоқ. Өйткені тұрғындарға ПИК өкілдері мемлекеттік бағдарлама туралы түсінік жұмыстарын жүргізуде. Ал, биылғы маусымда облыс бойынша барлығы 29 нысанның шатыры қалың қарға шыдас бермеген. Қалада осындай 26 факті тіркелген. Олардың ішіндегі әлеуметтік нысандар толықтай жөнделген.  Соңғы жылдары мүлде тіркелмеген. Яғни шатырларын су кететін көп қабатты үйлер мемлекеттік бағдарлама көмегіне жүгінуі тиіс. Өйткені, алдағы жылы  ауа-райының қандай болары беймәлім. Сол себепті "қыстың қамын жаз ойлаға" абзал.